Цаг уурын мэдээ > Хөдөө аж ахуйн цаг уурын тойм
2023 ОНЫ 10 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ
Температур: Агаарын дундаж температур нийт нутгаар 8.9-12.2 градус дулаан, олон жилийн дундажтай харьцуулбал Мандах сумын нутгаар дунджаас 0.8 градусын орчим, бусад нутгаар дунджаас 1.2-3.6 градусаар дулаан байлаа. Үнэмлэхүй их температур өдөртөө Замын-Үүд сумын нутгаар 26 градус дулаан, үнэмлэхүй бага температур шөнөдөө Замын-Үүд, Мандах, Эрдэнэ сумдын нутгаар -1 градус хүйтэн байв. Хөрсний гадаргын дундаж температур нийт нутгаар 10-18 градус дулаан, үнэмлэхүй их температур өдөртөө Замын-Үүд сумын нутгаар 40 градус дулаан, үнэмлэхүй бага температур шөнөдөө Мандах сумын нутгаар -6 градус хүйтэн байлаа.
Хур тунадас: Энэ 10 хоногт Замын-Үүд суманд 3.6 мм, Эрдэнэ суманд 3.0 мм, Айраг суманд 1.4 мм, Улаанбадрах суманд 0.8 мм, Сайншанд суманд 0.4 мм бороо, аадар бороо орлоо. Орсон хур тунадасны нийлбэрийг олон жилийн дундажтай харьцуулахад: Айраг сумын нутгаар дунджын орчим, Замын-Үүд, Эрдэнэ сумдын нутгаар дунджаас ахиу, бусад нутгаар дунджаас бага байлаа.
Салхи: 10 хоногт салхины хамгийн их хурд Хөвсгөл, Мандах сумдын 18м/с, Сайншанд сумын нутгаар 15м/с, Эрдэнэ сумын нутгаар 13м/с, бусад сумдын нутгаар 6-12м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 1-2 өдөр байв.
Бэлчээрийн ургамал: 10 дугаар сарын эхний 10 хоногийн байдлаар бэлчээрийн ургамлын дундаж өндөр 3-13 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Дэлгэрэх, Эрдэнэ сумдын нутгаар хойд, зүүн хэсгээр ургамлын ургалтын байдал хэвийн, Замын-Үүд сумын хойд, Мандах сумын зүүн, Хөвсгөл сумын зүүн, өмнө, Дэлгэрэх, Эрдэнэ сумдын баруун, өмнө, Алтанширээ сумын баруун, хойд, Сайхандулаан сумын баруун, хойд, Улаанбадрах сумын нийт нутгаар ургамлын ургалтын байдал дунд, Сайншанд, Өргөн, Хатанбулаг сумдын нийт нутгаар, Замын-Үүд сумын баруун, зүүн, өмнө, Мандах сумын баруун, хойд, өмнө, Хөвсгөл сумдын баруун, хойд, Алтанширээ сумын зүүн, өмнө, Сайхандулаан сумдын зүүн, хойд хэсгээр ургамлын ургалтын байдал муу.
МАА-н үйлдвэрлэлд: Мал оторлох, хадлан тэжээл бэлтгэ, сааль сүү бэлтгэх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.